माँ

॥ ॐ ॥ अस्य श्रीशीतलास्तोत्रस्य महादेव ऋषिः, अनुष्टुप् छन्दः, शीतला देवता, लक्ष्मीर्बीजं, भवानी शक्तिः, सर्वविस्फोटकनिवृत्त्यर्थे जपे विनियोगः ॥ ईश्वर उवाच । वन्देऽहं शीतलां देवीं रासभस्थां दिगम्बराम् ।मार्जनीकलशोपेतां शूर्पालङ्कृतमस्तकाम् ॥ १ ॥ वन्देऽहं शीतलां देवीं सर्वरोगभयापहाम् ।यामासाद्य निवर्तेत विस्फोटकभयं महत् ॥ २ ॥ शीतले शीतले चेति यो ब्रूयाद्दाहपीडितः ।विस्फोटकभयं घोरं क्षिप्रं तस्य प्रणश्यति ॥ ३ ॥ […]

॥ ॐ ॥ देवि सुरेश्वरि भगवति गङ्गेत्रिभुवनतारिणि तरलतरङ्गे।शङ्करमौलिविहारिणि विमलेमम मतिरास्तां तव पदकमले॥१॥ भागीरथिसुखदायिनि मातःतव जलमहिमा निगमे ख्यातः।नाहं जाने तव महिमानंपाहि कृपामयि मामज्ञानम्॥२॥ हरिपदपाद्यतरङ्गिणि गङ्गेहिमविधुमुक्ताधवलतरङ्गे।दूरीकुरु मम दुष्कृतिभारंकुरु कृपया भवसागरपारम्॥३॥ तव जलममलं येन निपीतंपरमपदं खलु तेन गृहीतम्।मातर् गङ्गे त्वयि यो भक्तःकिल तं द्रष्टुं न यमः शक्तः॥४॥ पतितोद्धारिणि जाह्नवि गङ्गेखण्डितगिरिवरमण्डितभङ्गे।मुनिवरकन्ये नरकनिवारिणित्रिभुवनधन्ये पावनकारिणि॥५॥ ॥ इति श्रीगङ्गापञ्चकम् ॥

॥ ॐ ॥ स॒बिन्दुसिन्धुसुस्खलत्तरङ्गभङ्गरञ्जितंद्विषत्सु पापजातजातकारिवारिसंयुतम्।कृतान्तदूतकालभूतभीतिहारि वर्मदेत्वदीयपादपङ्कजं नमामि देवि नर्मदे॥१॥ त्वदम्बुलीनदीनमीनदिव्यसम्प्रदायकंकलौ मलौघभारहारि सर्वतीर्थनायकम्।सुमच्छकच्छनक्रचक्रवाकशर्मदायकंत्वदीयपादपङ्कजं नमामि देवि नर्मदे॥२॥ महागभीरनीरपूरपापधूतभूतलंध्वनत्समस्तपातकारिदारितापदाचलम्।जगल्लये महाभये मृकण्डुसूनुहर्म्यदेत्वदीयपादपङ्कजं नमामि देवि नर्मदे॥३॥ गतं तदैव मे भयं त्वदम्बुवीक्षितं यदामृकण्डुसूनुशौनकासुरारिसेवितं सदा।पुनर्भवाब्धिजन्मजं भवाब्धिदुःखवर्मदेत्वदीयपादपङ्कजं नमामि देवि नर्मदे॥४॥ अलक्ष्यलक्षकिन्नरामरासुरादिपूजितंसुलक्षनीरतीरधीरपक्षिलक्षितम्।वसिष्ठशिष्टपिप्पलादिकर्दमादिशर्मदेत्वदीयपादपङ्कजं नमामि देवि नर्मदे॥५॥ इदं तु नर्मदाष्टकं त्रिकालमेव ये सदापठन्ति ते निरन्तरं न यान्ति दुर्गतिं कदा।सुलभ्यदेहदुर्लभं महेशधाम गौरवंपुनर्भवा नरा न वै विलोकयन्ति रौरवम्॥६॥

॥ ॐ ॥    घोरारूपे महारावे भैरवि नमोऽस्तुते ।लक्ष्मि लज्जे महाविद्ये श्रद्धे पुष्टे स्वधे ध्रुवे ।महारात्रि महाविद्ये भैरवि नमोऽस्तुते ॥ मेधे विद्ये वरे भूति बभ्रवि महाकालि ।नियते त्वं प्रसीदेशे भैरवि नमोऽस्तुते ॥ सर्वस्वरूपे सर्वशक्ति-समन्विते ।भयेभ्यः त्राहि नो भैरवि नमोऽस्तुते ॥ एतत्ते मुखमौम्यं नयनत्रयभूषितम् ।पातु नः भीतिभयः भैरवि नमोऽस्तुते ॥

॥ ॐ ॥ देवि त्वां स्तोतुमिच्छामि साध्वीनां प्रवरां पराम् ।परात्परां च परमां न हि स्तोतुं क्षमोऽधुना ॥ १ ॥ स्तोत्राणां लक्षणं वेदे स्वभावाख्यानतः परम् ।न क्षमः प्रकृतिं वक्तुं गुणानां तव सुव्रते ॥ २ ॥ शुद्धसत्त्वस्वरूपा त्वं कोपहिंसाविवर्जिता ।न च शप्तो मुनिस्तेन त्यक्तया च त्वया यतः ॥ ३ ॥ त्वं मया पूजिता साध्वी जननी च यथाऽदितिः

॥ ॐ ॥ कात्यायनि महामाये खड्गबाणधनुर्धरे ।खड्गधारिणि चण्डि दुर्गादेवि नमोऽस्तु ते ॥ १ ॥ वसुदेवसुते कालि वासुदेवसहोदरि ।वसुन्धराश्रिये नन्दे दुर्गादेवि नमोऽस्तु ते ॥ २ ॥ योगनिद्रे महानिद्रे योगमाये महेश्वरि ।योगसिद्धिकरी शुद्धे दुर्गादेवि नमोऽस्तु ते ॥ ३ ॥ शङ्खचक्रगदापाणे शार्ङ्गज्यायतबाहवे ।पीताम्बरधरे धन्ये दुर्गादेवि नमोऽस्तु ते ॥ ४ ॥ ऋग्यजुस्सामाथर्वाणश्चतुस्सामन्तलोकिनि ।ब्रह्मस्वरूपिणि ब्राह्मि दुर्गादेवि नमोऽस्तु ते ॥ ५

॥ ॐ ॥ निशुम्भशुम्भमर्दनीं प्रचण्डमुण्डखण्डिनीम् ।वने रणे प्रकाशिनीं भजामि विन्ध्यवासिनीम् ॥१॥ त्रिशूलमुण्डधारिणीं धराविघातहारिणीम् ।गृहे गृहे निवासिनीं भजामि विन्ध्यवासिनीम् ॥२॥ दरिद्रदुःखहारिणीं सदा विभूतिकारिणीम् ।वियोगशोकहारिणीं भजामि विन्ध्यवासिनीम् ॥३॥ लसत्सुलोललोचनीं जने सदा वरप्रदाम् ।कपालशूलधारिणीं भजामि विन्ध्यवासिनीम् ॥४॥ करे मुदा गदाधरां शिवां शिवप्रदायिनीम् ।वरावराननां शुभां भजामि विन्ध्यवासिनीम् ॥५॥ कपीन्द्रजामिनीप्रदां त्रिधास्वरूपधारिणीम् ।जले स्थले निवासिनीं भजामि विन्ध्यवासिनीम् ॥६॥ विशिष्टशिष्टकारिणीं विशालरूपधारिणीम् ।महोदरे

॥ ॐ ॥ ॐ अस्य श्रीकुञ्जिकास्तोत्रमन्त्रस्य सदाशिव ऋषिः, अनुष्टुप् छन्दः,श्रीत्रिगुणात्मिका देवता, ॐ ऐं बीजम्, ॐ ह्रीं शक्तिः, ॐ क्लीं कीलकम्,मम सर्वाभीष्टसिद्ध्यर्थे जपे विनियोगः । शिव उवाच शृणु देवि प्रवक्ष्यामि कुञ्जिकास्तोत्रमुत्तमम् ।येन मन्त्रप्रभावेण चण्डीजापः शुभो भवेत् ॥१॥ न कवचं नार्गलास्तोत्रं कीलकं न रहस्यकम् ।न सूक्तं नापि ध्यानं च न न्यासो न च वार्चनम् ॥२॥ कुञ्जिकापाठमात्रेण दुर्गापाठफलं

॥ ॐ ॥ घोररूपे महारावे सर्वशत्रुभयङ्करि ।भक्तेभ्यो वरदे देवि त्राहि मां शरणागतम् ॥१॥ ॐ सुरासुरार्चिते देवि सिद्धगन्धर्वसेविते ।जाड्यपापहरे देवि त्राहि मां शरणागतम् ॥२॥ जटाजूटसमायुक्ते लोलजिह्वान्तकारिणि ।द्रुतबुद्धिकरे देवि त्राहि मां शरणागतम् ॥३॥ सौम्यक्रोधधरे रूपे चण्डरूपे नमोऽस्तु ते ।सृष्टिरूपे नमस्तुभ्यं त्राहि मां शरणागतम् ॥४॥ जडानां जडतां हन्ति भक्तानां भक्तवत्सला ।मूढतां हर मे देवि त्राहि मां शरणागतम् ॥५॥

॥ ॐ ॥ वीणानिनादिनि देवि मातः शारदे शुभदे शुभे ।सौख्यप्रदायिनि बुद्धिदात्रि स्नेहदे सुखदे प्रभे ।हे ज्ञानदे वरदे प्रिये विद्याविभाविभुवल्लभे ।साहित्यवारिधिमज्जने मतिदे शिवे मतिदे हि मे ॥१॥ अज्ञाननाशिनि भव्यभाषाभाषिणि प्रबलेऽबले ।विद्याविलासिनि शुभ्रवस्त्रे शास्त्रसारसुसारिणि ।कर्तव्यकर्मविभाविनि ध्रुवधर्मकर्मविबोधिनि ।मातः सरस्वति पाहि मां शरणागतं शरणप्रदे ॥२॥ धर्मार्थचिन्तनसंरते कलाकलितेश्वरि ।सङ्गीतगीतिसुगायिनि प्रतिभाप्रदानपरायणे ।हंसासने सुविराजिते सकलाश्रये जनमोददे ।मातः सरस्वति पाहि मां शरणागतं शरणप्रदे