॥ ॐ ॥
श्रीचामुण्डा महामाया श्रीमत्सिंहासनेश्वरी ।
श्रीविद्या वेद्यमहिमा श्रीचक्रपुरवासिनी ॥१॥
श्रीकण्ठदयिता गौरी गिरिजा भुवनेश्वरी ।
महाकाली महालक्ष्मीर्महावाणी मनोन्मनी ॥२॥
सहस्रशीर्षसंयुक्ता सहस्रकरमण्डिता ।
कौसुम्भवसनोपेता रत्नकञ्चुकधारिणी ॥३॥
गणेशस्कन्दजननी जपाकुसुमभासुरा ।
उमा कात्यायनी दुर्गा मन्त्रिणी दण्डिनी जया ॥४॥
कराङ्गुलिनखोत्पन्ननारायणदशाकृतिः ।
सचामररमावाणीसव्यदक्षिणसेविता ॥५॥
इन्द्राक्षी बगला बाला चक्रेशी विजयाम्बिका ।
पञ्चप्रेतासनारूढा हरिद्राकुङ्कुमप्रिया ॥६॥
महाबलाद्रिनिलया महिषासुरमर्दिनी ।
मधुकैटभसंहर्त्री मधुरापुरनायिका ॥७॥
कामेश्वरी योगनिद्रा भवानी चण्डिका सती ।
चक्रराजरथारूढा सृष्टिस्थित्यन्तकारिणी ॥८॥
अन्नपूर्णा ज्वलज्जिह्वा कालरात्रिस्वरूपिणी ।
निशुम्भशुम्भदमनी रक्तबीजनिषूदिनी ॥९॥
ब्राह्म्यादिमातृकारूपा शुभा षट्चक्रदेवता ।
मूलप्रकृतिरूपार्या पार्वती परमेश्वरी ॥१०॥
बिन्दुपीठकृतावासा चन्द्रमण्डलमध्यगा ।
चिदग्निकुण्डसम्भूता विन्ध्याचलनिवासिनी ॥११॥
हयग्रीवागस्त्यपूज्या सूर्यचन्द्राग्निलोचना ।
जालन्धरसुपीठस्था शिवा दाक्षायणीश्वरी ॥१२॥
नवावरणसम्पूज्या नवाक्षरमनुस्तुता ।
नवलावण्यरूपाढ्या ज्वलद्द्वात्रिंशदायुधा ॥१३॥
कामेशबद्धमाङ्गल्या चन्द्ररेखाविभूषिता ।
चराचरजगद्रूपा नित्यक्लिन्नापराजिता ॥१४॥
ओड्डियानपीठनिलया ललिता विष्णुसोदरी ।
दंष्ट्राकरालवदना वज्रेशी वह्निवासिनी ॥१५॥
सर्वमङ्गलरूपाढ्या सच्चिदानन्दविग्रहा ।
अष्टादशसुपीठस्था भेरुण्डा भैरवी परा ॥१६॥
रुण्डमालालसत्कण्ठा भण्डासुरविमर्दिनी ।
पुण्ड्रेक्षुकाण्डकोदण्डपुष्पबाणलसत्करा ॥१७॥
शिवदूती वेदमाता शाङ्करी सिंहवाहना ।
चतुःषष्ट्युपचाराढ्या योगिनीगणसेविता ॥१८॥
नवदुर्गा भद्रकाली कदम्बवनवासिनी ।
चण्डमुण्डशिरश्छेत्री महाराज्ञी सुधामयी ॥१९॥
श्रीचक्रवरताटङ्का श्रीशैलभ्रमराम्बिका ।
श्रीराजराजवरदा श्रीमत्त्रिपुरसुन्दरी ॥२०॥
शाकम्भरी शान्तिदात्री शतहन्त्री शिवप्रदा ।
राकेन्दुवदना रम्या रमणीयवराकृतिः ॥२१॥
श्रीमत्चामुण्डिकादेव्या नाम्नामष्टोत्तरं शतम् ।
पठन् भक्त्यार्चयन् देवीं सर्वान् कामानवाप्नुयात् ॥
॥ इति श्रीचामुण्डेश्वरी अष्टोत्तरशतनामस्तोत्रं सम्पूर्णम् ॥
