॥ ॐ ॥
यं यं यं यक्षरूपं दशदिशिविदितं भूमिकम्पायमानं
सं सं सं संहारमूर्तिं शिरमुकुटजटाशेखरं चन्द्रबिम्बम्।
दं दं दं दीर्घकायं विकृतनखमुखं चोर्ध्वरोमं करालं
पं पं पं पापनाशं प्रणमत सततं भैरवं क्षेत्रपालम्॥१॥
रं रं रं रक्तवर्णं कटिकटिततनुं तीक्ष्णदंष्ट्राकरालं
घं घं घं घोषघोषं घघघघघटितं घर्झरं घोरनादम्।
कं कं कं कालपाशं द्रुक्-द्रुक् दृढितं ज्वालितं कामदाहं
तं तं तं दिव्यदेहं प्रणमत सततं भैरवं क्षेत्रपालम्॥२॥
लं लं लं लं वदन्तं ललललललितं दीर्घजिह्वाकरालं
धूं धूं धूं धूम्रवर्णं स्फुटविकटमुखं भास्करं भीमरूपम्।
रुं रुं रुं रूण्डमालं रवितमनियतं ताम्रनेत्रं करालं
नं नं नं नग्नभूषं प्रणमत सततं भैरवं क्षेत्रपालम्॥३॥
वं वं वं वायुवेगं नतजनसदयं ब्रह्मसारं परन्तं
खं खं खं खड्गहस्तं त्रिभुवनविलयं भास्करं भीमरूपम्।
चं चं चं चलित्वाऽचलचलचलितं चालितं भूमिचक्रं
मं मं मं मायिरूपं प्रणमत सततं भैरवं क्षेत्रपालम्॥४॥
शं शं शं शङ्खहस्तं शशिकरधवलं मोक्षसम्पूर्णतेजं
मं मं मं मं महान्तं कुलमकुलकुलं मन्त्रगुप्तं सुनित्यम्।
यं यं यं भूतनाथं किलिकिलिकिलितं बालकेलिप्रधानं
आं आं आं आन्तरिक्षं प्रणमत सततं भैरवं क्षेत्रपालम्॥५॥
खं खं खं खड्गभेदं विषममृतमयं कालकालं करालं
क्षं क्षं क्षं क्षिप्रवेगं दहदहदहनं तप्तसन्दीप्यमानम्।
हौं हौं हौं हौंकारनादं प्रकटितगहनं गर्जितैर्भूमिकम्पं
बं बं बं बाललीलं प्रणमत सततं भैरवं क्षेत्रपालम्॥६॥
वं वं वं बाललीलं
सं सं सं सिद्धियोगं सकलगुणमखं देवदेवं प्रसन्नम्।
पं पं पं पद्मनाभं हरिहरमयं चन्द्रसूर्याग्निनेत्रम्।
ऐं ऐं ऐं ऐश्वर्यनाथं सततभयहरं पूर्वदेवस्वरूपं
रौं रौं रौं रौद्ररूपं प्रणमत सततं भैरवं क्षेत्रपालम्॥७॥
हं हं हं हंसयानं हसितकलहकं मुक्तयोगाट्टहासं
धं धं धं नेत्ररूपं शिरमुकुटजटाबन्धबन्धाग्रहस्तम्।
तं तं तं टङ्कनादं त्रिदशलटलटं कामगर्वापहारं
भ्रुं भ्रुं भ्रुं भूतनाथं प्रणमत सततं भैरवं क्षेत्रपालम्॥८॥
॥ इति श्रीमहाकालभैरवाष्टकं सम्पूर्णम् ॥
